Бұл туралы qamshy.kz порталы хабарлайды.
Айтыстың ақтангері, Алаштың айбоз ақыны Айбек Қалиев Арқалықтың мәслихат депутаты болды», деп хабарлайды «Қамшы» порталы. Бұл туралы  Елдос Тоқтарбай әлеуметтік желіде хабарлады. «Қазақ айтады: «Аққа Құдай жақ!», — деп. Міне, елі сүйген, халқы сенген Айбек Киікбайұлы жерлестерінен қолдау тауып, халықтың 72,5 пайыз дауысын жинап, Арқалық қаласы Мәслихатының Депутаты атанып отыр. Биылғы жылдың наурызында Айбек ағайымыз Арқалық Мәслихатына депутат болу үшін құжаттарын тапсырған еді, бұрынғы қала басшысы ортаға ананы, мынаны салып жүріп, Ақ адал азаматтың алдын бөгенген еді. Енді міне жарық күн туып, әділдік орнап, Арқалыққа жаңа басшы келген шақта, Ұстазымыз халықтың сөзін сөйлеу үшін Мәслихаттың ісіне араласқалы жатыр. Алла жар болсын, Ұстазым! Сіздің әділдігіңізді, қайраткерлігіңізді білеміз. Ел Сізге сенеді. Арқалықтың болашағы арайланып, абантанып өсуіне қосар үлесіңіз лайым табыстан болғай!», деп жазды Тоқтарбай әлеуметтік желіде.
Еске сала кететін болсақ, жақында ғана Айбек Қалиевке «Профессор» академиялық атағы берілген болатын.

Дәреже: 0.0/0


Қаралды: 27, Қосылды: 31.10.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 703
Онлайн отырғандар: 17
Қонақтар: 17
Қолданушылар: 0
0:00 0:00
Saz-Alemi player