«Болашақ» қауымдастығы «Bolashak Lunch» қайырымдылық лотереясының өткізілетінін жариялайды. Оның жеңімпазы еліміздегі ең танымал және сұранысқа ие әнші Қайрат Нұртаспен бірге түскі асқа барады, деп хабарлайды baq.kz
Лотереяға қатысу үшін lunch.bolashak.kz сайтына кіріп, 1000 теңгенің билетін сатып алу арқылы қайырымдылық үлес жасау қажет. Билет санына шектеу қойылмайды, қатысушы қанша билет сатып аламын десе де өз еркінде. Сонымен қатар, қайырымдылықты анонимді түрде жасауға да болады. Төлем қабылдау аяқталғаннан кейін кездейсоқ сан генераторы жеңімпазды анықтайды. Ол Қайрат Нұртаспен бірге түскі асқа барады. Бас жүлдемен қатар қонақтың қолтаңбасы қойылған естелік сыйлықтар да ойнатылады.
«BOLASHAK LUNCH» ЛОТЕРЕЯСЫН ӨТКІЗУДІҢ БАСТЫ МАҚСАТЫ – ҚАЙЫРЫМДЫЛЫҚҚА ҚАРАЖАТ ЖИНАУ. ЖИНАЛАТЫН БАР АҚША «ЦЕРЕБРАЛДЫ САЛ АУРУЫ» ДИАГНОЗЫ ҚОЙЫЛҒАН БАЛАЛАРҒА КӨМЕККЕ ЖҰМСАЛАДЫ.
Лотереяға қатысуға өтініштер осы жылдың 30 қарашасына дейін (қоса алғанда) қабылданады.
Айта кетсек, «Bolashak Lunch» қайырымдылық лотереясы Қазақстан Тәуелсіздігінің 25 жылдығы мен «Болашақ» қауымдастығының 15 жылдығына арналған «25 қайырымды іс» жобасы аясында өткізілмек.
«Bolashak Lunch» қайырымдылық лотереясының алғашқы қонағы Олимпиада ойындарының жүлдегері Василий Левит болды. Ол кезде 173 мың теңге жиналған еді. Бұл қаражат 2008 ж. туған, балалар аутизмі және аспергер ауруына шалдыққан Қуантқан Шерханның 3 айлық қалпына келу курсын өтуге жұмсалды.

Дәреже: 5.0/1


Қаралды: 46, Қосылды: 10.11.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 698
Онлайн отырғандар: 8
Қонақтар: 8
Қолданушылар: 0
0:00 0:00
Saz-Alemi player