Мәскеу түбіндегі шайқастың 75 жылдығына орай 18 қарашада Алматыда «28 панфиловшылар» атты көркем фильмнің премьерасы өтті, деп хабарлады «ҚазАқпарат» ХАА тілшісі.
Картинаны ҚР Мәдениет және спорт министрлігінің қолдауымен «28 панфиловшылар» тәуелсіз студиясы түсірді. Фильмнің кинопрокатын Қазақстанда «Қазақфильм» киностудиясы жүзеге асырады. Аты аңызға айналған дивизияның жеңісі жайлы фильмді Астанада екі елдің өңіраралық ынтымақтастығы форумында Қазақстан мен Ресей президенттері - Нұрсұлтан Назарбаев пен Владимир Путин көрді. Ал бұл премьераға ҚР Мәдениет және спорт министрі Арыстанбек Мұхамедиұлы келді.



Премьераға генерал Иван Панфиловтың немерелері - Айгүл мен Алуа Байқадамовалар қатысты. «Бұл Ресей мен Қазақстанның қатысуымен халықтың қаражатына түсіріліп жатқан алғашқы жоба. Ол ерекше назарды талап етеді. Ресей мәдениет министрі Владимир Мединскийге жерлестеріміздің ерлігін жылы қабылдағаны үшін алғыс білдіремін. Әрине, режиссер Андрей Шальопқа да алғысым шексіз. Ол тарихты жанымен сүйетін принципшіл кісі», - деп атап өтті сөйлеген сөзінде ҚР МСМ басшысы Арыстанбек Мұхамедиұлы.



Фильм  генерал Иван Васильевич Панфиловтың қолбасшылығындағы 316-шы атқыштар дивизиясының 28 әскері Дубосековода қорғанысты ұстап, неміс танкі батальонын тоқтатқан 1941 жылғы 16 қарашадағы оқиғаны бейнелейді. Сюжет толықтай кеңес әскерінің жеңісіне негізделген. Басты рөлдерде - Александр Устюгов, Яков Кучеревский, Азамат Нығманов, Олег Федоров, Антон Кузнецов, Алексей Лонгин, Азиз Бейшенәлиев, Дмитрий Сутырин, Андрей Бодренков, Асқар Тілеуғабылов және т.б.



Сол күні Алматыда «Біз панфиловшылар - миллионбыз» маршы өтті. Содан соң 28-гвардия-панфиловшылар саябағында митинг болып, оның арты «Әскер үйі»  мәжіліс залында кеңес сарбаздарының жеңісіне арналған концерт-реквиемге ұласты.





Дәреже: 0.0/0


Қаралды: 26, Қосылды: 21.11.2016

Пікірлер 0








Біз Вконтакте
желісіндеміз

Сайттың жаңа дизайны ұнадыма?

Жауап бергендер: 765
Онлайн отырғандар: 18
Қонақтар: 18
Қолданушылар: 0
0:00 0:00
Saz-Alemi player