Загрузка...
Қазіргі уақытта ЖОО бітірген түлектердің көпшілігі өз мамандығы бойынша жұмыс істемейді. Статистика агенттігінің берген мәліметі бойынша, Қазақстанда 1,8 миллион адам жоғарғы оқу орнында оқуған мамандығы бойынша емес, "жүрегі қалаған" іспен айналысады екен. Жоғарыда көрсетілген екі миллионға жуық дипломын қара сандыққа ысырып қойып, өзге салада нәпақасын тауып жүргендер қатарында отандық эстрада жұлдыздары да жоқ емес. Baistars.kz бұл материалда шоу-бизнес өкілдері үлкен сахнаға шықпағанда қандай салада қызмет көрсетуі мүмкін еді - міне, осыған шолу жасады.
Нұрлан Абдуллин, әнші



Бітірген мамандығы: мұнай саласы
Осыдан 20 жыл бұрын Нұрлан Абдуллин мұнай саласын тастап, шоу-бизнеске келді. Негізінде Алматы Архитектура және Құрылыс академиясының түлегі. "Ауыл", "Достарым" секілді қайталанбас әндерді тарту еткен әнші бүгінгі күні қазақ эстрадасында өзіндік стилімен ерекшеленеді.
Әсел Сағатова, актриса



Бітірген мамандығы: халықаралық байланыс
Әл-Фараби атындағы Қазақ Ұлттық Университетінің "Халықаралық байланыс" мамандығы бойынша қызыл дипломның иесі. Мектепті де үздіктер қатарында бітірген. Актрисаның айтуынша, оның ең сүйікті пәні математика болған екен. "Рэкетир", "Ирония любви" секілді фильмдермен танылған актриса кино саласын таңдамағанда, қазір Қазақстанның шетелдегі елшіліктерінің бірінде қызмет істеуі әбден мүмкін еді.
Айқын, әнші



Бітірген мамандығы: баспагер-инженер
"Superstar kz" конкурсының ақтың кезеңіне дейін жеткен талантты әнші Қаныш Сәтпав атындағы Қазақ Ұлттық Техникалық Университетінде баспагер-инженер мамандығы бойынша бакалавр атағын алған. Сондай-ақ, екінші жоғарғы білім ретінде "Менеджмент" саласын бітірген. Кезінде Алматыдағы мейрамханаларда өнер көрсетіп, кейін нағыз шоу-бизнес жұлдызына айналған Айқын "жігітке жеті өнер де аз" деген ұстаныммен өмір сүреді.
Ділназ Ахмадиева, әнші



Бітірген мамандығы: аудармашы-реферант
Ділназ Ахмадиева 1974 жылы "Яшлык" деген топтың негізін салушы Мұрат Ахмадиевтің отбасында дүниеге келген. Оның әке ісін жалғастыратындығы төрт жасында белгілі болды. Төрт жасынан бастап әртүрлі музыкалық конкурстарға қатысып шыңдала түсті. Бірақ, жоғарғы білімді өнерге қатысы жоқ аудармашы саласы бойынша алған. Ділназ Ахмадиева 2002 жылы Қазақ Ұлттық Университетін "Аудармашы-реферант" деген мамандықпен аяқтады.
Аша Матай, әнші-актриса



Бітірген мамандығы: халықаралық құқық
Кезінде "Еларна" арнасындағы "ХХІ ғасыр көшбасшы зияткерлік" бағдарламасының жүргізушісі ретінде танылған, әнші, журналист әрі актриса Аша Матай өнер саласы бойынша білім алмаған. Ол Әл-Фараби атындағы ҚазҰУ-дың халықаралық байланыс факультетінің халықаралық құқық мамандығын бітірген.
Динара Бақтыбаева, актриса



Бітірген мамандығы: инженер-байланысшыҚазақ киноиндустриясындағы ең сұлу актрисалардың бірі "Он и Она" фильміндегі рөлімен кеңінен танылды. Ал оның Алматы энергетика және байланыс университетінің түлегі екенін біреу білсе, біреу білмейді. Қыздар оқуға көп түспейтін бұл ЖОО-дан Динара Бақтыбаева инженер-байланысшы деген диплом алып шықты.Қарлығаш Мұхаммеджанова, актриса



Бітірген мамандығы: заңгер
Қазақстандық өнер жұлдыздарынан шетелде білім алғандарын көп кездестіре бермейміз. Ал Қарлығаш Мұхаммеджанова Қазақ мемлекеттік заң академиясын заңгер мамандығы бойынша бітірген. Кейін Американың Бостон қаласында тілдік курс бойынша да білімін жетілдірген. Сондай-ақ, АҚШ-та жүрген кезінде заңгерлік бойынша екі жыл магистратураны аяқтаған.
Әнуар Нұрпейісов, актер



Бітірген мамандығы: мұнай саласы
2009 жыл үлкен экранға шыққан "Ағайындылар" фильмі арқылы танылған актер, Қазақ-Британ Техникалық Университетінің түлегі. Егер ол өнер саласын таңдамай, дипломы бойынша жұмыс істегенде, бүгінгі күнде Әнуар Нұрпейісов мұнай саласын игеретін еді.
Нұртас Адамбаев, актер, продюссер, режиссер



Бітірген мамандығы: аудармашы
2002 жылы Абылайхан атындағы Халықаралық қатынас және Әлем тілдері институтын бітірген. Бірақ, "Наша Казаша" сектч-шоуынан кейін өнер саласын таңдаған. Оған дейін әртүрлі командалар сапында КВН ойындарына қатысқан. Қазіргі күнде танымал кино картиналардың авторы.
Тәуекел Мүсілім, актер, тележүргізуші



Бітірген мамандығы: машинақұрастыру инженер-механигі
Қазақстандық қыздардың арманы деп есептелінетін Тәуекел Мүсілім жоғарғы білімді машинақұрастыру саласы бойынша алған. Оның бүгінгі күнде жеткен жетістігіне қарап, өнер жолын таңдап, дұрыс шешім қабылдағанына көз жеткізуге болады.

Дәреже: 0.0/0


Қаралды: 146, Қосылды: 17.01.2017

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 29
Қонақтар: 29
Қолданушылар: 0
!