Загрузка...
Белгілі режиссер Нұртас Адамбаев Алматыда өтетін Универсиаданың алауын ұстаудан бас тартты. Ол бұл туралы өзінің әлеуметтік желідегі парақшасында мәлімдеді.
"Маған бірнеше күн бұрын хабарласып, Универсиада алауын ұстау құрметі бұйырғанын айтты. Әкімдікке жексенбі күні нұсқаулық алуға және алау қалай ұстау керек екені жайлы білу үшін баруым керек болды. Бас тарта алмадым. Себебі бұған дейін Универсиада елшісі болғанмын. Осы үшін жексенбінің жоспарын өзгертуге тура келді", - деп жазды Адамбаев.
Оның айтуынша, айтылған уақытта әкімдікке келіпті.
"Бірақ адам қарасы аз болғаны таңғалдырды. Кеше өткен кездесу жайлы фейсбуктегі жазба есіме түсті. (Алау ұстаушылар көп болғандықтан, оларды екі күнге бөліп шақырған екені деп ойладым). Фейсбук-досыма хабарластым, ол осы жазбаны қалдырған еді. Сөйтсек, кездесуді шегеріпті. Одан ұйымдастырушылардың нөмірін сұрадым. Сенбі күні телефон соққандардың тізімінен тауып алдым. (Түскі уақытта осы нөмірге қайта-қайта соқтым, бірақ тұтқаны ешкім көтермеді. Мен, әрине, барлығын түсінемін, бірақ смс жазуға не ескертуге болмай ма? Жоспарымды не үшін өзгерттім? Әкімдіктің бетіне қарап отыру үшін бе? Құрметті ұйымдастырушылар, алауды өздеріңіз ұстаңыздар. Не істесеңіздер де өздеріңіз біліңіздер",- деп жазды Нұртас Адамбаев.
Алматыда қысқы универсиада ойындары 29 қаңтардан 8 ақпан аралығында өтеді. Бұл жарысқа спорттың 12 түрінен екі мыңға жуық спортшы қатысады. 

Дәреже: 0.0/0


Қаралды: 39, Қосылды: 23.01.2017

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 4
Қонақтар: 4
Қолданушылар: 0