Загрузка...
Роза Рымбаева әншілік карьерасында алғаш рет фильмге саундтрек жазды деп хабарлайды Tengrinews.kz.  Жаңа туынды "Келинка тоже человек" фильмінде орындалады.
Әнді Розам Рымбаеваны ұлы Әли Оқапов жазып берген. Әншінің айтуынша, бұл оның карьерасындағы алғашқы саундтрек. Болашақта бейнебаян түсіру де ойында бар екен. Сонымен қатар, әнші қайтыс болған күйеуі Тасқын Оқаповтың әке-шешесімен қандай қарым-қатынаста екенін айтып берді.
"Мен тым жас болдым, көп дүниені түсінбедім. Қайын атам мен енемнің даналығы - олардың біздің қарым-қатынасымызға ешқашан араласпауында. Біз шығармашылықпен айналыстық, үнемі гастрольдерде жүретінбіз. Содан бір сәт тауып, демалысқа ауылға бардық. Олар маған сүйіспеншілікпен қарайтын. Себебі мен өзімді кішкентай қыз сияқты ұстайтынмын. Бірақ қазір осыған кішкене өкінемін, себебі олар дүниеден озды. Өзімнің сол кездегі қылықтарымды еске ала отырып, олардың мен ештеңе істемесем де сол үйде қонақ болғанымды және әрдайым еркелеткенін түсініп отырмын. Біз оларға қонаққа барғанда бүкіл ауыл мені келін ретінде емес, Роза Рымбаева ретінде қарсы алатын! Олардың маған деген махаббаты мен құрметі осындай болды. Олар мені осылай еркелететін. Бірақ, әрине, қайын атам мен енем бізге Алматыға келгенде оларды күтіп, дастархан жайып отыратынмын. Алматыда нағыз келін болатынмын", - деді Роза Рымбаева.
"Келинка тоже человек" фильмі 23 ақпанда үлкен прокатқа шығады. Картинаның режиссері - Асқар Ұзабаев, басты рөлдердің бірін Әсел Сәдуақасова сомдаған.


Дәреже: 0.0/0


Қаралды: 82, Қосылды: 24.01.2017

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 32
Қонақтар: 31
Қолданушылар: 1
Admin
!