Загрузка...
Ресейлік әнші Витастың продюсері Сергей Пудовкин авторлық құқықтың өрескел бұзылғандығы және бұл үшін кінәлілер жазаға тартылуы тиіс екенін айтады. Informburo.kz сайтына берген сұхбатында ол Витас өкілдерінің Димаш Құдайбергенов пен Hunan TV арнасының үстінен шағым түсіретінін жеткізді.
Сергей Пудовкиннің айтуынша, ол Димаштың "Опера №2" әнін орындағаны туралы осыдан бірнеше күн бұрын хабардар болыпты.
"Не маған, не әннің жалғыз және заңды иесі Витасқа келіп, оны орындауға бола ма, жоқ па деп ешкім сұраған жоқ. Бұл  қарапайым мәселе: сіз дүкенге бардыңыз, әмияныңызды ұрлап кетті. Қалай ойлайсыз, бұл дұрыс па, жоқ па?", - дейді ол.
Оның айтуынша, шығармашылық өмірін ұрлықтан бастаған адам алысқа бармайды екен. "Мұндай іспен шығармашылық жолдан оп-оңай шығып қалуға болады, себебі біреудің еңбегін пайдаланатын фейк әнші бірінші кезекте ел алдында қауіпті", - деді продюсер.
Сергей Пудовкин қазір Қытайдан бөлек Қазақстан, Ресей және басқа да "Опера №2" әні танымал болған елдер аумағында сот шағымдары дайындалып жатқанын айтты.
Осыған дейін Витас продюсерінің Hunan TV арнасына Димаш Құдайбергеновтың "Опера №2" әнін орындауына байланысты шағым жібергені туралы ақпарат тараған болатын.
28 қаңтар күні Димаш Қытайдың Hunan TV арнасында тікелей эфир арқылы "I am a Singer" жобасы аясында "Опера №2" әнін айтып, кезең бойынша бірінші орын алған болатын.
Алғашқы кезеңде Димаш Құдайбергенов француз тіліндегі "SOS d'un terrien en détresse" әнін орындап, көрермендер қошеметіне бөленді. Қытайлық музыка мамандары оны "Тәңір назарына алған әнші" деп атады, ал фанаттары қазақша үйрене бастады. Жергілікті компания әншінің құрметіне смартфон шығарды, сонымен қатар "Димаш" және "Қазақстан" Қытай интернетінде жиі ізделінетін сөздер қатарына енді.


Дәреже: 0.0/0


Қаралды: 100, Қосылды: 02.02.2017

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 6
Қонақтар: 6
Қолданушылар: 0