Загрузка...
Қазақстандық әнші Димаш Құдайбергенов Қытайдың Hunan TV арнасындағы "Singer" жобасының үшінші кезеңінде өнер көрсетіп, атақты Queen тобының "The Show Must Go On" әнін орындады.
Бұған дейін Оңтүстік Кореяның Minnanwang порталы Димаш Құдайбергенов 3-кезеңде үшінші орын алды деп ақпарат таратқан болатын. Бірінші орынды Тан Жиң есімді әнші алды, ал екінші орын қытай әртісі Жао Лейге бұйырды.
Жалпы есепте Димаш бірінші орында тұр.
28 қаңтар күні Димаш Қытайдың Hunan TV арнасында тікелей эфир арқылы "Singer" жобасы аясында "Опера №2" әнін айтып, кезең бойынша бірінші орын алған еді.
Алғашқы кезеңде Димаш Құдайбергенов француз тіліндегі "SOS d'un terrien en détresse" әнін орындап, көрермендер қошеметіне бөленді. Қытайлық музыка мамандары оны "Тәңір назарына алған әнші" деп атады, ал фанаттары қазақша үйрене бастады. Жергілікті компания әншінің құрметіне смартфон шығарды, сонымен қатар "Димаш" және "Қазақстан" Қытай интернетінде жиі ізделінетін сөздер қатарына енді.
"Singer" жобасының көрсетілім кестесі туралы осы сілтемеден біле аласыздар."The Show must go on" (қазақша: "Шоу жалғасуы тиіс") - Innuendo альбомында жарияланған британдық Queen рок-тобының ең танымал әндерінің бірі. Туынды рок-музыка бағытындағы ең атақты шығармалардың бірі болып есептеледі.


Дәреже: 0.0/0


Қаралды: 105, Қосылды: 05.02.2017

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 29
Қонақтар: 29
Қолданушылар: 0
!