Загрузка...
Қытайдағы "Singer" жобасына қатысып жатқан қазақстандық Димаш Құдайбергенов шоудың бесінші кезеңінде бесінші орын алды. Бұл туралы "ҚазАқпарат" хабарлайды.
"1-орынды Тан Жин, 2-орынды Лин Илян, 3-орынды Жан Зе, 4-орынды Джастин мен Лин ЖиСюан (байқаудың жаңа қатысушылары), 5-орынды Димаш, 6-орынды "Lion" тобы, 7-орынды Жао Лей алды. Жао Лей жарыстан шығып қалды", - деп жазды Weibo әлеуметтік желісіндегі Hunan.TV фан-клубы.
4-орын екі бірдей қатысушыға бұйырғандықтан, Димаш 5-орын алып отыр. Алайда Интернетке шығып кеткен байқау кестесінде қазақстандық әнші 6-орында тұр, 5- орын бос. Бірақ бұл ештеңені шешпейді, Димаш "Singer" жобасының кезекті турына қатысатын болады.
5-кезеңнің түсірілімі 9 ақпан күні өткен болатын. Бағдарлама эфирден 18 ақпанда көрсетіледі. Димаш Құдайбергенов Марк Ронсон мен Бруно Марстың "Uptown Funk" әнін орындайды.
2 ақпан күні түсірілген 4-кезең 11 ақпанда Астана уақыты бойынша 20:30-да эфирге шығады. Қытай тіліндегі "Күзгі мұң" әнін орындаған Димаш төртінші турда үшінші орын алған болатын.
Димаш Құдайбергенов қазір Қытайдағы танымал адамдар рейтингінде бірінші болып тұр.
Димаш 4 ақпан күні шоудың үшінші кезеңіне қатысып, үшінші орын алды. 28 қаңтар күні Димаш "Опера №2" әнін айтып, екінші кезең бойынша бірінші орын алған еді.
Алғашқы кезеңде Димаш Құдайбергенов француз тіліндегі "SOS d'un terrien en détresse" әнін орындап, көрермендер қошеметіне бөленді. Қытайлық музыка мамандары оны "Тәңір назарына алған әнші" деп атады, ал фанаттары қазақша үйрене бастады. Жергілікті компания әншінің құрметіне смартфон шығарды, сонымен қатар "Димаш" және "Қазақстан" Қытай интернетінде жиі ізделінетін сөздер қатарына енді.


Дәреже: 0.0/0


Қаралды: 75, Қосылды: 11.02.2017

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 9
Қонақтар: 9
Қолданушылар: 0
!