Ән әлемінде Қайраттың әр қадамын жіті қадағалап, сахнадағы қылықтарын айна-қатесіз қайталайтын Ернар Айдар бұл жолы Нұртастың ұлының өмірлік ұстанымын да жадында сақтап алған. Иә, Ернар отбасын құрғанымен, жұбайы жайлы жан баласына жақ ашпауды жөн көрген. Алайда,  Stan.kz тілшісі әншінің туған жері Таразда өткен дүбірлі тойдың экслюзивті видео-материалдарын назарларыңызға ұсынады.
«Жанұялы болсам, жанкүйерлерім азаяды», – деді ме, әйтеуір Ернар өнер өлкесіндегі әріптестеріне отағасы атанғаны туралы тыңдармандарына тіс жармауды өтінген.



Алайда, әр қадамын әлеуметтік желіде жария қылуды әдетке айналдырған әншілер қауымы, бұл жағымды жаңалықты түрлі тәсілдер арқылы өз оқырмандарына хабарлап әлек. Мәселен, Нұржан Керменбаев соңғы постында Тараз қаласындағы тойда жүргенін айтып, жұмбақ жасырған.

«Бүгін Тараз қаласында тойдамыз. Бұл сіздерге подсказка. Ал, кімнің тойындамыз? Өзі айтпасын деп, инстаграмға салмасын деп өтініш айтқан еді. Біз уәдемізде тұрайық дедік. Мен айтып жатқан жоқпын, сіздер пікір жазыңыздар. Сіздер білесіздер оны, мен білемін… » – деп видео-жазба жолдаған Қапқарашка, той үстінде оқырмандарына арнайы сауалнама жүргізіп үлгерген.
Ернардың қуанышына ортақтасып келген танымалдар тізімінде Досымжан Таңатаров, Саят Медеуов, Нұрлан Еспанов, Нұртас Айдарбеков, Бауыржан Есебаев, Абай Бегей, Асхат Тарғынов, Өмірқұл Айниязов, Айкерім Қалаубаева, Нұржан Керменбаев, Серік Ибрагимов сынды өнер жұлдыздары  бар.
Ернардың жұрттан жасырған жұбайы өзінің жанкүйері болып шықты. Екі жастың таныстығы әншінің концерттерінің бірінде бастау алған деседі.
Мәдина есімді қалыңдық Шымкент шаhарының тумасы.
Естеріңізге сала кетсек, Ернар Айдардың шаңырақ көтеретіні туралы алғаш рет, Абай Бегей инстаграм парақшасы арқылы дүйім жұрттан сүйінші сұраған болатын.

ЕРНАР АЙДАРДЫҢ ҮЙЛЕНУ ТОЙЫ ТАРАЗ ҚАЛАСЫНДА ӨТТІ

Публикация от Жұлдыздар жайлы жаңалықтар (@zhuldizdareli)







Дәреже: 0.0/0


Қаралды: 191, Қосылды: 29.08.2017

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 20
Қонақтар: 20
Қолданушылар: 0