Бір кездері дуэт айтып, елдің сүйіспеншілігіне бөленген Төреғали Төреәлі мен Ерке Есмахан "Нұр Отан” партиясының мүшесі атанды, деп хабарлайды Stan.kz.
Бұл туралы қос өнер иесі инста-парақшаларында хабарлады.
"Бүгін туған күніммен қатар болып жатқан бір қуанышпен бөлісейін! Бүгін мен "Нұр Отан” партиясына өтіп, партия билетін алдым. Еліміздің ең беделді, жетекші саяси партиясының қатарында болу – үлкен мəртебе. Биылғы жыл мен үшін сəттілік жылы, белес жылы болды, жалпы! Келер жыл бұдан да биік белесті көрсететін жыл болсын!” – деп жазды Ерке Есмахан.
Ерке партияға кіргенін сүйіншілеп хабарласа, Төреғали өнер азаматтарына қолдау көрсетіп жүрген партия төрағасының бірінші орынбасары Мұхтар Құл-Мұхаммедке деген алғысын жеткізді.
"Бүгін Алланың қалауымен Тұңғыш Президент күні аясында ұйымдастырған "Нұр Отан” партиясы Төрағасының Бірінші орынбасары: Мұxтар Құл-Мұxаммед ағамыздың қабылдауында болдым! Мұxтар Құл-Мұxаммед ағамыз қазақ жастарының, қазақ өнерінің шынайы жанашыры! Кезінде өзімнің түлеп ұшқан ордам қазақтың төл өнері "айтыстың” арқасынан қағып, белін буған еді! Әрбір қазақтың еңбегін тасада қалдырмай елеп, ескеріп жүргеніне куә болдым! Бүгінде қанат қағып, қырандай еріксіз қалықтауымызға көп септігін тигізген бірден-бір азамат осы ағамыз! Мұxтар ағамыздай елім деген ерлеріміз аман, бейбітшілік заман болсын ағайын!” – деді Төреғали.

Дәреже: 0.0/0


Қаралды: 49, Қосылды: 30.11.2017

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 71
Қонақтар: 71
Қолданушылар: 0