Жақында ғана көрерменге жол тартқан «Әміре» фильмі көпшіліктің ыстық ықыласына бөленіп жатыр. Бұл орайда фильмде басты рөлді сомдаған актер Санжар Мәдиев жастардың тарихқа деген қызығушылығының артып келе жатқанын атап өтті.
Бұл туралы Stan.kz ақпараттық агенттігі хабарлайды.
«Қымбатты достар! Ұлы ата-бабаларымызды танып не болмаса еске алсаңыздар, біздің мақсатымыздың орындалғаны. Бұл мұраны ұрпақтан ұрпаққа жеткізуіміз керек.
Маған көптеген адамдар кинокартинаны көрмес бұрын және көргеннен кейін Әміре туралы ақпарат іздестіргендерін жазды. Сол уақыттағы қиын-қыстау кезең туралы білгенде таңырқағандарын жеткізді. Жалпы көптеген құжаттар әлі де жасырын жерде, күндердің күнінде барлық шындықты білеміз деп үміттенемін. Әміре Қашаубаев, Мұстафа Шоқай, Ахмет Байтұрсынұлы, Міржақып Дулатов, Жүсіпбек Аймауытов сынды ұлы тұлғаларымызды ұмытпаңыздар», -дейді Санжар.



Сондай-ақ, актер фильмнің қазақ тіліндегі нұсқасы не себепті кинотеатрларда аз көрсетіліп жатқанын түсіндірді.
«Фильм үш тілде жүріп жатыр. Билет сатып аларда қандай сеансқа баратыныңызды анықтаңыз. Егер қазақтілді сеансқа бармасаңыздар, оның санын қысқартады. Заң солай.
Мен де ана тілімдегі фильмдердің көп болғанын қалаймын. Бірақ статистика деген қырсық нәрсе. Қазақ тіліндегі киноны сұрайтындар кинотеатрда емес, ғаламторда көбірек», – дейді актер.

Дәреже: 0.0/0


Қаралды: 28, Қосылды: 11.04.2018

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 6
Қонақтар: 6
Қолданушылар: 0