Сопрано дауысты әнші, “Астана опера” театрының солисі, “Құрмет” орденінің кавалері, халықаралық байқаулардың лауреаты Айзада Капонова Италияда өткен вокалистер байқауында 1-орын иеленіп, жеңіске жетті. Ол Дж.Россини атындағы XV халықаралық байқауға қатысқан.
Бұл туралы елорда әкімдігінің ресми сайтына сілтеме жасап Stan.kz ақпараттық агенттігі хабарлайды.
Музыкалық байқау 26-30 сәуір аралығында даңқты композитор Джоаккино Россинидің туған жерінде, Италияның Пезаро қаласында өткен.
Байқауда әр елден келген талантты музыканттар бақ сынасты. Оның ішінде отандасымыз Айзада Капонова да бар.
Байқаудың 15 жылдық тарихында Дж.Россини театры сахнасында 3000-ға жуық өнерпаз өнер көрсетті. Олардың басым дені халықаралық дәрежеде мойындалған.
Биыл классикалық вокал номинациясында атақты перуандық тенор Эрнесто Палачио қазылық еткен.
“Астана Опера” театрының ұжымы жеңіске жеткен әріптестерін құттықтап, шығармашылық табыс тіледі.
“Халықаралық байқауға қатысу – ол жаңа тәжірибе. Опера өнерінің отаны – Италияда өз елімді лайықты түрде таныстырғаныма қуаныштымын”, – дейді Айзада Капонова.

Дәреже: 0.0/0


Қаралды: 99, Қосылды: 12.05.2018

Пікірлер 0







Біз Вконтакте
желісіндеміз

Сайттың жаңа дизайны ұнадыма?

Онлайн отырғандар: 50
Қонақтар: 50
Қолданушылар: 0