Қазақ эстрадасындағы шоқтығы биік жұлдыздардың бірі, халық сүйіп тыңдайтын әндердің орындаушысы Ернар Айдар оңтүстік астанада және елордада жеке шығармашылық кешін өткізбек. Жас дарын киелі сахнада Arash (Араш), Oceana (Осеана), Serdar Ortac (Сердар Ортач) есімді әлемдік жұлдыздармен өнер көрсетіп, ең танымал әндерінен шашу шашпақ. Осы орайда Stan.kz ақпараттық агенттігі қазақтың сүйікті ұлы жеткен жетістіктерді назарға алып, әнші жайлы деректерді еске салуды жөн көрді.
1.Әсем әндерімен тыңдарман жүрегінен орын тапқан Ернар Айдар 1991 жылы 13 наурызда Өзбекстанда, Навои облысында өмірге келді. Қарапайым қара жұмысшылар болашақ әншінің еңбекке деген махаббатын бала күнінде оятқан.
2.Әншінің негізгі мамандығы — заңгер. Ол Қазақ ұлттық аграрлық университетінде білім алған. Әйтсе де, жаны өнерді құмартқан жас дарын ЖОО-дағы оқудан қолы босай қала дыбыс студияларына ұмтылған. Ернар Айдардың ең алғашқы әні әкесіне арналған. Әнші ұстазы Қуаныш Құрманбаев сыйға тартқан "Асыл әке" әнін асқар тауы болған әкесінің туған күнінде алғаш рет орындады.
3.Үлкен сахнаға алғаш рет 22 жасында шыққан әншінің бағын "Жарығым-ай" әні ашты.
4.Өнер иесі мыңнан аса жеке концерт беріп, Қазақстанның барлық дерлік аймақтарында шығармашылық кештерін өткізді.
5.Ернар Айдардың ақындық дарыны бар. Қазақтың ерке қызы Мақпал Жүнісова 55 жасқа толғанда ол Төреғали Төреәлімен бірге шын жүректен шығарған өлеңін сыйға тартты.
6.Өнер жолында жастайынан жүрген әнші бірде-бір рет фонограммамен ән айтып көрмеген. Қандай жағдай болмасын Ернар Айдар репертуарындағы әндердің барлығын жанды дауыста айтады. Француз, испан, неміс тілдерінде еркін сөйлей білуінің арқасында шетелдік әншілердің әніне емін-еркін сөз жаза алады. Отандық әншінің сөзіне жазылған әндер Еуропа елдерінде танымал.
7.Әншінің 2017 жылы жарық көрген "Күнім, сен сөнбеші" әні мен бейнебаяны ғашықтардың шынайы оқиғасына негізделген.
8.Ернар Айдардың бір айлық табысы 10 миллион теңге. Өнер иесі тапқан қаражатының барлығын бейнебаяндар мен ән жаздыртуға жұмсайды.
9.Әдемі дауыс иесінің кішкентай тыңдарманы концертке билет сатып алу үшін ата-анасының ақшасын рұқсатсыз алған. Сүйікті әншісімен кездесуді жан-жүрегімен қалаған бүлдіршін көпшілікті балалық іс-әрекетімен тамсандырды. Ал Ернар Айдар қызды концертіне шақырып, кештің арнайы қонағына айналдырды.
10.Әншінің өнердегі кумирі, өмірдегі жақын досы — Мейрамбек Бесбаев.

Дәреже: 0.0/0


Қаралды: 185, Қосылды: 20.12.2019

Біз Вконтакте
желісіндеміз

... Рахымжан Жақайым - Бауырым, Бека
... Sadraddin - Алия
... Айдана Меденова - Мінәжат