Уақыттан асқан билік жоқ,
Уақыттан озған жүйрік жоқ,
Адамға Алла бұйыртқан
Уақыттан қымбат сыйлық жоқ.

Әдемі сағат таңдайсың,
Көресің ұстап әрқайсың,
Он сағат сатып алсаңда,
Уақытты сатып алмайсың

Өткенді жалғай алмайсың,
Тағдырды таңдай алмайсың.
Қулығың күшті болса да,
Уақытты алдай алмайсың...

Өткенді жалғай алмайсың,
Тағдырды таңдай алмайсың.
Қулығың күшті болса да,
Уақытты алдай алмайсың...

Жастық шақ өтсе, оралмас,
Жас болып ешкім қала алмас.
Ақшасын төлеп әйелдер,
Қыз күнін сатып ала алмас.

Жас болып мәңгі жүрмейсің,
Мәңгілік өмір сүрмейсің.
Үнемдеп жұмса уақытты,
Бітеді ол қашан білмейсің.

Бұл өмір деген ─ қас-қағым,
Өтер де кетер жас шағың!
Сыйлатқың келсе өзіңді,
Уақытын сыйла басқаның.

Бұл өмір деген ─ қас-қағым,
Өтер де кетер жас шағың!
Сыйлатқың келсе өзіңді,
Уақытын сыйла басқаның.

Минутты әрбір бағала,
Сағатты әрбір сарала.
Уақытты қайда жұмсадың,
Есептеп, үйрет балаңа.

Өткізбе бекер күн, айды,
Ұмытып кетпе Құдайды.
Қарызға берген уақытын,
Сұрайды ертең, сұрайды.

Дүбірін сезіп алыстан,
Заманмен мынау жарысқан.
Уақытын дұрыс жұмсайтын
Адамдар ─ нағыз данышпан!
Уақытын дұрыс жұмсайтын
Адамдар ─ нағыз данышпан!
Әнін жүктеу


текст песни Баглан Абдирайымов - Уакыттын кадири анинин создери, music lyric

Дәреже: 0.0/0


Қаралды: 57, Қосылды: 08.11.2019

Басқа әндердің сөздері

***
Біз Вконтакте
желісіндеміз

... Азимбек Байлин - Ашшы
... Aidhn - Gladness
... Балжан Бидаш - Бақытты күй