Оралдық жас әнші Ержан Максим Италияның Сан-Ремо қаласында өткен сайыста бірінші орын иеленді.
Бұл туралы "Мой Город” порталы хабарлайды.
Анасы Гүлмира Әлібектің айтуынша, Ержан бес жасынан бастап ән айтып, алты жасында алғаш рет вокал сыныбына барыпты.
"Ол көптеген облыстық, республикалық конкурстардың жеңімпазы, оның ішінде "Бозторғай” да бар. Өткен жылы Ержан Батумидегі "Дельфин Фест” жарысында бас жүлде алды. Ал желтоқсан айында Латвияға барып, екі алтын, бір күміс медаль иеленді.
"Сонымен қатар, 3 мамырда Сан-Ремода симфонилық оркестрмен бірге өнер көрсетті. Бізге облыс әкімі демеуші тауып беріп көмектесті. Нәтижесі 6 мамырда шыққан. Ержан бірінші орын алды,” – деді анасы.
Енді Ержан Қазақстан атынан Витебске өтетін "Славян базарының” балалар нұсқасына қатысады.

Дәреже: 0.0/0

Қаралды: 364, Қосылды: 09.05.2017

---