Атышулы “Ninety one” тобының әншісі домбырамен терме айтып, жұртты таңғалдырды (видео) оқу, көру
Қазақстанда Q-pop стилінің негізін қалаған Ninety one тобының әншілері өзге қырынан танылып, жұртты бір шулатты. Талдықорғанда өткен фанаттармен кездесу барысында топ солисі Батырхан Мәліков (Alem) домбырамен терме айтып, тыңдармандарын таңдай қақтырды. Майлықожаның "Алқалы жұртым бармысың?!” термесін орындаған Alem өзін кәсіби домбырашылармен салыстырмауды өтінді. "Өтініш, мені кәсіпқой дәстүрлі әншілермен салыстырмай-ақ қойыңыздар. Мен кәсіпқой домбырашы емеспін, бірақ домбырада ойнап, ән салып тұратынымыз бар”, – деді ол. Ал фанаттар Alem-ді басқа қырынан танығандарын айтып, шуласып жатыр. Айта кетейік, қазіргі уақытта 91 тобы еліміздің барлық қалаларын аралап, концерт беріп жатыр.