Қазақстан әншілері алдағы уақытта халықаралық “Евровидение” байқауына қатыса алады. Бұл туралы 31 арнаның бас директоры Бағдат Қожахметов айтты, деп хабарлады ҚазАқпарат.
Қожахметовтың айтуынша, қазақстандық өнерпаздар 2018 жылы “Евровидение” байқауының іріктеуіне қатыса алады.
“Бүгін Португалиядан жауап келді, құжатқа сәйкес біз 2018 жылы “Евровидение” байқауына ересек әншілерді апара аламыз. Әншілер алдымен іріктеу кезеңіне қатысып, 2019 жылы үлкен байқауда өнер көрсетеді. Сондай-ақ, кастинг өткізіледі”, – деді Бағдат Қожахметов.
Қожахметовтың айтуынша, әнші “Евровидениеге” қатысу үшін сол елдің телеарнасы European broadcasting union ұйымына мүше болуы керек.
«Евровидение – European broadcasting union ұйымдастырып жатқан жоба. Сол себепті Евровидениеге қатысу үшін отандық телеарнаның бірі оған мүше болуы қажет. Бұл ретте 31 арна өз тарапынан ұсыныс білдіріп, мүшелікке кірді. Енді Қазақстан атынан өнерпаздарды байқауға жібере аламыз. Қазақстан әншісі жеңген жағдайда келесі “Евровидение” біздің елде өтетін болады”, – деп атап өтті Қожахметов.

Дәреже: 5.0/1

Қаралды: 46, Қосылды: 22.12.2017

---