Димаш – көк, ал Қайрат – жер! Қазақтың қос жұлдызын дәл осылай деп салыстырған Бибігүл Төлегенова елді біраз шулатқан еді. Көпшілік бұлбұл әншінің теңеуін теріс түсініп, қатаң сынға алды. Ендігілері Бибігүл Төлегенқызының орынды сын айтқанын алға тартып, жақтады. Өз кезегінде Қайрат Нұртас өзін “жерге” теңеген Халық артисіне жауап та бермеді, деп хабарлайды Stan.kz.
Есесіне ол Димашқа деген ақжарма тілегі мен жүрекжарды лебізін білдірді.
“Димаш бауырым, әрбір жеткен жетістіктеріңе, жеңістеріңе қуаныштымын. Алланың қалауымен даусыңның ерекшелігі мен еңбегіңнің арқасында, xалықтың саған деген сүйіспеншілігі арта түсті. Бұл ата- анаңның саған берген тәрбиесінің, өзіңнің кішіпейілділігің мен мәдениетіңнің жоғары болғандығы деп білемін. Өнеріңмен әлемді бағындыра бер! Осы қалпыңнан тайма”, – деп бөлісті Қайрат Нұртас.
Мұны көрген инста-оқырмандар қуанып қалды. Көпшілік қанша қиыншылық көрсе де, ешкімнің жағасынан алмаған Қайраттың қарапайымдылығына тәнті болды.





Дәреже: 0.0/0

Қаралды: 251, Қосылды: 28.12.2017

---