КВН ойындары арқылы танылған Нұрлан Қоянбаев бүгінде тележүргізуші әрі табысты кинопродюсерге айналды. 2017 жылы Қоянбаев “Бизнес по-казахски” кинокартинасы отандық табысты фильмдердің көшін бастады. Мұндай жетістікке жетемін деп Қоянбаевтың өзі де ойламаған. Тауық жылындағы табыс 2018-де еселене түсті
.
Қоянбаев бірнеше ай бұрын алғашқы фильмнің жалғасы ретінде “Бизнес по-казахски в Америке” туындысын таспалаған еді. Ол үшін арнайы АҚШ-қа барған Қоянбаев біраз ақша жұмсап, түсірілім кезінде бірталай қиындықты бастан кешкенін де жасырмады. Алайда қалтаны қаққан кинофильм алғашқы аптада-ақ өз шығынын ақтап, елімізде ең көп қаралған кинофильмдер көшін бастады.
“Қазақ киносы тариxта алғаш рет шетелдік кинолардан озып, бірінші орынға шықты! Қолдауларыңызға көп-көп раxмет, қазақ киносы жасай берсін!” – деп бөлісті Қоянбаев инста-парақшасында.
Қоянбаевтың айтуынша, “Бизнес по-казахски в Америке” кинокартинасы табысы бойынша, тіпті америкалық “Джуманджи” және ресейлік “Елки новые” фильмінен озып кеткен.
Сондай-ақ, кинопродюсер әрі актриса Әсел Сәдуақасова үшін де 2018 сәтті басталды. Желтоқсанның соңында “5 причин не влюбиться в казаха” комедиясын ұсынған Әсел күні кеше фильмнің қаржыны молынан тапқанын айтып, сүйінші сұрады.


“Бүгінгі күн Асқар Ұзабаев екеуміз үшін керемет жаңалықпен басталды. Біздің фильм алғашқы демалыста-ақ өз шығынын ақтады. Көрерменге қолдау мен махаббат үшін мың алғыс! Қаншалықты бақытты екенімді сөзбен айтып жеткізе алмаймын”, – дейді Әсел.

Дәреже: 0.0/0

Қаралды: 306, Қосылды: 05.01.2018

---