Қытайда тағы бір марапатқа ие болған Димашқа көрермендер ән айтқызбай қойды (видео) оқу, көру
Еліміздің мақтанышы Димаш Құдайберген Қытайда өткен Global Golden chart Awards марапатында “Үздік әртіс” атағына ие болды. Алайда әнші сырқаттанып қалғандықтан, концертте өнер көрсете алмады, деп хабарлайды Stan.kz. Әнші Instagram желісіндегі парақшасында тыңдармандарынан сүйінші сұрап, тағы бір марапатқа ие болғанын айтты. “Global Golden chart Awards марапатында “Үздік əртіс” аталымы бойынша жеңіске жеттім. Бүгін белгілі себептермен өнер көрсетпесем де алдағы уақытта əдемі əндерімді сіздер үшін шырқайтын боламын. Түсіністік танытқандарыңызға рахмет!” – деп жазды әнші.
Бейжіңдегі “Жұмысшылар” алаңында өткен марапаттау рәсімінде Димаш сырқаттанып тұрғандықтан ән айта алмады. Десе де тыңдармандарының көңілін қимаған әнші музыкалық сүйемелдеусіз ән орындамақ болды. Алайда фанаттары әнші үшін уайымдап, ән айтуын тоқтатуын сұрады. Тіпті әншінің фанаттарының бірі жылап қалды.