Бүгін әнші Төреғали Төреәлі Шымкент қаласында меркелік ән кешін өткізу үшін арнайы барды. Өз кезегінде Ұлы дала баласын қуана қарсы алған қала тұрғындары оған ақ боз ат мінгізді.
Бұл туралы әншінің өзі Instagram желісіндегі парақшасында жазып, аталған сәттің видеосын жариялады.
Видеода халықтың қошеметіне бөленген Төреғали ақ боз атқа мініп, ат үстінде ойнақтап жүр.
«Айналайын, Шымкентім-ай, десеңші! Ақ боз ат мінгізіп жатқан мақтадай аппақ көңілдеріңізден айналайын. Мамыражай мамыр айы құтты, берекелі болсын, ағайын!» – деп жазды әнші.
Өз кезегінде желі қолданушылары әншіге құрмет көрсеткен Шымкент халқына риза болды.
Айта кетсек, Төреғали Төреәлі 1 мамыр – Қазақстан халқының бірлігі күніне орай Шымкент, Тараз, Қызылорда қалаларында мерекелік ән кешін өткізбек.
Дәреже: 0.0/0
Қаралды: 402, Қосылды: 01.05.2018